حلى السويتز بالقرفة
******************
المقاديـــر
1- عجينة سمبوسة سويتز.
2-قرفه مطحونة +ملعقة كبيره كاكاو+ ملعقتين كبيره سكر ناعم وليس مطحون
3- حليب مركز كبير +6حبات جبن كيري
الطريقه
1-في البدايه ناخذين عجينة السمبوسةتقسمينها لقسمين ..
وتدهنين طرفها بقليل من خليط ( طحين + ماء ) لتلتصق الأطراف
ممكن تستخدمي جبنه سايله بدل الطحين والماء
ونبدأ بطيها كما في الصورة ..
طبعاً معروف عن رقائق سويتز عند إستخدامه لابد من تغطيته بفوطة مبللة علشان ما تيبس و تتكسر ..
– تبدين تقلين الرقائق اللي عندك الين يصير لونها اشقر
تجيبين صحن او زبديه وتحطين فيه( قرفه مطحونة +ملعقة كبيره كاكاو+سكر ناعم ) وتخلطينهم مع بعض
– تاخذين الرقائق وتغطينها من الجهتين بالقرفه بتقولين شلون تثبت
اقولك لان باقي فيها زيت من القلي فراح تثبت القرفه على طول وتحطينهم في صحن ثاني..
الين تغطين جميع الرقائق
-تحطين في الخلاط(حليب مركز كبير +6حبات جبن كيري..)
-تجهزين صينيه وسط اللي تنفك مع الجنب وتصبين فيها اللي في الخلاط..
– بعد كذا تبدين ترصين الرقائق في الصينيه على شكل دائره…
ثم ترصين دائره ثانيه الين تعبين الصينيه
وتصير مرصوصه ومافيه فراغات بينهم..
-وتولعين الفرن من تحت وتدخلين الصينيه لمدة خمس دقايق بس..
-بعد ماتطلعينها من الفرن تدخلينها الثلاجه عشان تتماسك الى قبل التقديم..
– تقلبين الصينيه في صحن تقديم وتزينينها بشوكلاتة هيرشي السائله..
وصحتين على قلبكم
