السلام عليكم
عرفت اليوم ان أحد طلابي في المرحلة الثانوية عندي صار لاخوانه واهله حادث ومازالوا بالمستشفى
واليوم وانا اشرح عطيتهم سؤال قلت لهم حلو السؤال وبلف عليكم اشوف حلكم
المهم عديت من قدام الطالب ولحظتة بطرف عيني بدون ما ينتبه لي
وجدته واضع يده على خده ولا هو مطلع كتاب مادتي ولا ورقة ولا هو يم الشرح اصلاً
مع العلم انه هو الطالب المميز على مستوى المدرسه من ناحية الاخلاق والنشاط والاول من الناحية العلمية
طبعاً سويت نفسي ما شفته وجلست الف على زملائة وعدت الحصه على خير
وقابلته بعد الحصه وسألتة عن حال اخوانه واهله وبصراحه بعضهم حالتهم خطيره شوي
ويكلمني وهو صابر ومحتسب
سؤالي لكم كمرشدين
ما الشي اللي اقدر اسوية تربوياً مع الطالب . وما واجب المدرسه تجاهه خصوصاً اننا في قرية والدنيا مدرعمه ولا احد حولك . ولا أقدر ازور اخوانه بالمستشفى لان المستشفى يبعد عن قريتي 240 كيلو
وشكراً …. للمعلومية انا معلم مادة علمية ولست مرشداً