لو غيرتي عيبي فانا كلي إعيوب
ولو طيبتي زادت ترى مو خطيه
عليك من بين الملا جد ما توب
أغار حيل وغيرتي مو بيديه
حتى من النسمه إلا هبت إهبوب
أغار لو تلمسك روحه وجيه
واغارمن ظل(ن) يماشيك بدروب
أسبق خيالك قبل لا يجيك ضيه
واغار من أطراف يدك ويا دوب
تلمس خدودك جن عقلي عليه
كلك على بعضك ترى بجد في صوب
وكل الملا في صوب يا أحلى البريه
عينك أبي لا صارت بعيني إتذوب
وقلبك إذا بيموت فيموت فيه
إنت الأمل لا صار هالحظ مسلوب
وانت الوفا لا خان هالوقت بيه
لو قلت أحبك ما تكفيني اقلوب
يبيلي مية قلب وعندي شويه