مـن بغـى الفرقـا لقـى لـه عـذر وأسبـاب و دليـل
خــل عـنـك الـعـذر والأسـبـاب دام الـحـب ضــاع
كـان ودك بالفـراق أبشـر عـسـى عـمـرك طـويـل
لا تــردّد وأنــت لــك كلـمـه ولـــك أمـــر مـطــاع
لــي علـيـك انــي تـبـت بكلـمـة تـشـفـي الغـلـيـل
ولـك علـي إنـي لأوقـف وقـفـة الـرجـل الشـجـاع
لا تجاملـنـي مخـافـة قــال مــدري خـــوف قـيــل
عمـر هـرج النـاس مـا يسمـن ولا يغـنـي جـيـاع
كـان قصـدك سـر حـبـك أوعــدك لأصـبـح بخـيـل
وأحمـل أسـرارك معـي للمـووت قـدر المستطـاع
بـس قلهـا قـل مـا أحبـك وأبـشـر بصـبـر جمـيـل
لا تحسبـنـي مـثـل مــن طبعـهـم لـــوي الـــذراع
صاحبـك مـاهـو كــذا يــا صـاحـب الـقـد النحـيـل
صاحبـك طبعـه غـريـب وغربـتـه غـربـة أطـبـاع
فـالـهـوى مــا يقـبـل الـحـل الـوسـط ولا القـلـيـل
مثـل ماهـو لاشـرى يـشـري وليـامـن بــاع بــاع
ثابـت لــو هــي تمـيـل الأرض حــدره مــا يمـيـل
يــدري ان الفـقـر مـاهـو عـيـب والـدنـيـا مـتــاع
مـا عشـق لــذة حيـاتـه كـثـر عـشـق المستحـيـل
ولا كــره حـتـى مـمـاتـه كـثــر كـــره الانـصـيـاع
كـم تعلـم مـن شديـد الـبـدو وش معـنـى الرحـيـل
وكم تعلم من غروب الشمس وش معنـى الـوداع
وكم تعلم من سحاب الصيف وش معنى الحصيل
وكـم تعلـم مـن ليـال البـرد وش معنـى الضـيـاع
ايه أنـا هـذا طريقـي موحـش و صعـب و طويـل
وانــت لامـنـك تعـبـت الـعـالـم فـجـوجـه وســـاع
اعتـبـرنـي فـــي بـدايــة سـكـتـك عـابــر سـبـيـل
ورح وانا قلبـي معـك مـن ويـن وجهـت الشـراع
يكـفـي انـــي لاذكـــرت فـسـالـفـة عـشــاق قـيــل
عااشر أحبابـه شجـاع .. وفـارق أحبابـه شجـاع