السلام عليكم ورحمه الله
بصراحه ماعرفت وين احط الموضوع مالقيت انسب من هالمكان ..
عمومآ انا عندي سؤاال مهم جدآآ ومخوفني واااااجد …
انا طالبة في 2 ثانوي علمي كنت في الترم الاول منتظمة وصار عندي ظروف وحولت منازل ..
بس داومت بأول الترم وخبرت مساعده المديرة اني بحول منازل وطلبت مني مشهد من الولي الامر بس صارت عندي ظروف وما قدرت ارجع للمدرسة واعطيها المشهد وللحين خبرتني وحده من البنات انهم اعطوها تقريري يعني حق درجات السنة يعني انهم ما سجلوني منازل 
وعلمآ اني بختبر للنهائي فأبي اعرف يعني لو ما سجلوني منازل هل ممكن اني ارسب حتى لو اختبرت زين ؟؟
ولا اذا اعطيتها المشهد الحين هل ممكن انها ترجع تسجلني منازل ولا ترفض؟؟
انا خايفة يحسبوني بالشهادة طالبة منتظمة وعلى اساسها يوزعون الدرجات وارسب ؟؟؟؟؟
اتمنى تجاوبوني لو عندكم خبررررره وتطمنوني الله لا يقلقكم ويجزاكم خيررر ..
طالبة خــــــــــــــــااايفة