يسعد أوقاتكم ….بكل خير ومسرات
خذني معك من وين ما رحت وياك
ــــــــــ خذني بقلبك دام قلبي رهينك
صعبه ترى لو شفت وشلون ابسلاك
ــــــــــ لو طفت هالعالم تراني سجينك
عذبتني واشقيت روح ٍ تمناك
ــــــــــــ لو الهوى ينطق وربي يدينك
مات الغلا ينزف على درب ذ****
ـــــــــ رغم الجفا لا زال يرجي حنينك
بعدك حياتي كلها ضيق وارباك
ـــــــــــ الواقع اللي ما تمناه عينك
كل المشاعر في غيابك تحراك
ــــــ تصرخ عليك من الوله حيل وينك
مقدر على بـُـعدك حشى كيف فرقاك
ــــــــــــ هذي الحقيقة خلها في يقينك
ادري تساومني بروعة مزاياك
ــــــــــــ وتدري اضيع إليا بدالي جبينك
همك عذاب اللي نسى الناس لرضاك
ـــــــــ وهمي اشوفك مهتني في سنينك
لو تطلب اسنين العمر من فداياك
ـــــــــــ سلمت لك عمري براحت يمينك
منك احتملت من الشقى فوق ما جاك
ـــــــــــ ذقت العناء والهم كني حزينك
يكفي دخيلك ( حس ) باللي ترجاك
ـــــــــــ لا عاش منهو يا حياتي يهينك
تعبت مالي بالهوى غير دنياك
ــــــــــــ مديت لك يمناي عطني يدينك
اعاهدك ببقى على الحب منساك
ـــــــــــ عهد ٍ قطعته بين قلبي وبينك
ودمتم بووووووووووووووووووووووووووووووود