مشكلة بنقل طالبة في النظام وتعليق ملفها .. استاذ خالد ضروووري تجاوبني

لو سمحت.. في بداية هالترم نقلت اختي بالصف الاول ثانوي من مدرستها إلى مدرسة اخرى وطلبت نقل اسمها في النظام واكدت لي المسؤولة انها راح تنقلها ..
وتفجأنا هالاسبوع بان مديرة المدرسة التي تدرس بها حالياً اختي تستدعيها عشان اسمها ماوصل لهم عبر النظام !
رحت للمدرسة الاولى واكدت لي انها نقلت اختي وقالت انا اتاكد روحي انتي دحين !
ويجي يوم الاحد تسأل اختي المسؤولة عن النظام قالت لها لسى ماوصلنا شي !!! O_o
رحت يوم الاتنين للمدرسة الاولى مرا تانية وانصدمت ان المسؤولة غلطت ورسلت ملفها لمدرسة تااانية غير اللي تدرس اختي فيها حالياً !!!!!!

وقالت دا الغلط ورسلت للمدرسة التانية اللي رسلت لهم الملف وقالوا ح نشوف !
وطبعاً شفت البرود اللي فيهم وقلبي ماارتاح !
اليوم رحت للمدرسة اللي انرسل لها الاسم عبر النظام بالغلط ! وتفاجأت بانهم ماسوو شي ! ويقولون جانا اسمها بس ماسوينا لها قبول ! طيب لية مارفضتوا من البداية عشان ترجع لمدرستها الاولى ! قالوا خليناها معلقة !!!!!!!!!
بسسس المصيبة اسمها مو موجود مع المعلقات إدا ضغطوا ع الارشيف يحصلوا اسمها مقبوووووووووووووووولة عندهم !!!!!!!!!! كيف وليش قبلتوها ويحلفون يمين ماقبلوها طيب النظام يقول انها مقبولة ! قالوا لاااا ومعصبين مرا ودا مو غلطنا !
لان اسمها مو مدرج مع الطالبات ! قالوا دا غلط مدرستها الاولى ليش ترسل لنا خليها من عندها تعدل !

كيف تعدل واسم اختي عندكم ؟؟؟؟؟؟؟؟؟؟؟؟؟؟؟؟
سايرتهم ورحت لمدرستها الاولى وقالت لي وربي قبلوها وصورنا الطلب ! قلت لها مو عارفين كيف يرجعوها لك ! قامت ادتني الطريقة ورجعت للمدرسة المحوله لها بالغلط ونكتب سجل اختي ب "تعديل ملف مستخدم" نحصلة موجود !
ولما نضغط عليه تطلع لننا البيانات بس حالة الطالبة / منقولة !!!!!!!!!!!!!!!1
ومافية اي زر تحت غير عودة !!!!!!!!!

ورحت للمدرسة اللي هيا فيها دحين عشان اشرح لهم الوضع خصوصاً انهم معطينا فرصة اسبوع وبكرا الربوع واخاف مايمدينا نحل المشكلة
قالت لي المسؤولة انها سوت طلب نقل ملف من المدرسة اللي فيها اسمها حالياً
وبعدين دخلت رقم سجلها بالبحث يطلع لها انها مووو موجووودة اصلاً !
يعني اختي تعلقت بين المدارس وبكرا اخر فرصصصة !
وش الحل اسعفني !!!!!!!!!!!!!!!!!!!!!!!!!!!!!!