يا قليّل الجيّـة .. كبيـر المكانـه
ما غبت لحظة عن طواري حبيبك !
تدور الأرض ، وكل شي بـ/ مكانه
يا ليتها مـرّه تـدور ، وتجيبـك !
يا ليتها مـرّه تـدور ، وتجيبـك !
هنا بين الزهور .. و غيمة الود .. و سنا شمسك
هنا .. كانت مواعيد الغرام العذب بآخرها
هنا .. كان المكان يعطرّه روح و شذى همسك
هنا .. كل الحروف بطلّتك يبست حناجرها
هنا .. كل الحروف بطلّتك يبست حناجرها
هنا .. أجمل ورود العشق , قالت : يا غلاي امسك
نيابة عن مشاعر عاشق عيونك .. و شاعرها
نيابة عن مشاعر عاشق عيونك .. و شاعرها
هنا مرّيت .. مير آخر عهد بمْصافحة خمسك
ضحى صبّت عيونك حرّ دمعك في محاجرها !
ضحى صبّت عيونك حرّ دمعك في محاجرها !
تعبت اعيش لحظات العمر .. في ذكريات امسك
و تعبت اعدّ نجمات المسا الموحش .. و اسامرها
و تعبت اعدّ نجمات المسا الموحش .. و اسامرها
و على كثر الظروف القاسيات .. اللي تبي طمسك
تحاصرني ملامح وجهك البدري .. و احاصرها !
تحاصرني ملامح وجهك البدري .. و احاصرها !
متى تعشب شرايين الخفوق بهمسك .. و لمسك ؟!
و تعيش اوّل مواعيد الوصل .. و تموت آخرها
و تعيش اوّل مواعيد الوصل .. و تموت آخرها
للحزن في صدري حوابيط و عْذوق
يروى تفاصيلي .. و يثمر قوافي
ملّيت اردّد شعري بصوت مخنوق
و جفن الأماني ف / المسافات غافي
و جفن الأماني ف / المسافات غافي
مرات اقول ان الشعر سبّة العوق
و مرات اقول انّه خوي ٍ سنافي
و مرات اقول انّه خوي ٍ سنافي
مرّ السحاب .. و لاح في صدره بْروق
و انا سنيني تشتكي من جفافي
و انا سنيني تشتكي من جفافي
انا الضعيف اللي من الطين مخلوق
و انا الحزين اللي جرحْه التجافي
و انا الحزين اللي جرحْه التجافي
لا تطوّل الغيبات يا حادي الشوق
والله ماني من جفاك مْتعافي
والله ماني من جفاك مْتعافي
البال .. من برد الهواجيس محروق
و سمر الليالي .. مالها حضن دافي
و سمر الليالي .. مالها حضن دافي
و طيفك يساومني على دمعة الموق
و الدمعه اصغر من سموم الخوافي
و الدمعه اصغر من سموم الخوافي
جيتك معي قلبي و عمري ف / صندوق
امشي وسِط صُلف المقادير حافي
امشي وسِط صُلف المقادير حافي
مالي على الغالي مشاريه و حقوق
ان كان ما هو بالأحاسيس وافي
ان كان ما هو بالأحاسيس وافي
عذرك معك من غبت يا حادي الشوق
عذرك سمين .. و عْذر شعري جفافي !
عذرك سمين .. و عْذر شعري جفافي !
رمل الورق .. يشره على .. مزن حبري
قد له ثلاث شهور .. ما بلّ قاعه !
وانا .. _ على كبر المشاريه _ .. عذري
ما للقصيد احيان .. موعد و ساعه
ما للقصيد احيان .. موعد و ساعه
في خلوتي .. ما بين سجّات فكري
و الليل .. حزّم ما بقا من متاعه
و الليل .. حزّم ما بقا من متاعه
قال القمر : بآغيب .. ثم قلت : بدري !
قال : الضيا فالشمس .. واعكس شعاعه
قال : الضيا فالشمس .. واعكس شعاعه
قال : اتهقى بآموت ؟ .. ثم قلت : مدري
قال : العطا ما يموت بعد انقطاعه
قال : العطا ما يموت بعد انقطاعه
يا صاحبي .. ما نزّل الوقت قدري
لن لي مع أهل القناعه .. قناعه
لن لي مع أهل القناعه .. قناعه
ذاك القمر .. يشبه مشاوير عمري
يعكس مفاهيم العفيف .. و طباعه
يعكس مفاهيم العفيف .. و طباعه
يا صاحبي .. خوفي من اهوال قبري
اليا ادفنوني .. _ فالتراب _ .. الجماعه
يضيق من كثر التحاسيف صدري
اذا ارتكبت ذنوب .. واهملت طاعه
اذا ارتكبت ذنوب .. واهملت طاعه
مؤمن و راضي .. في غناتي و فقري
و مالي في غير إرضاء ربي طماعه
و مالي في غير إرضاء ربي طماعه
عساني القى خير في تالي امري
و القى شفاعه .. عند ربّ الشفاعه
و القى شفاعه .. عند ربّ الشفاعه
رمل الورق .. زان بنواوير شعري
من بعد ما مزن الحبر بلّ قاعه . .
من بعد ما مزن الحبر بلّ قاعه . .
كان شبّ البرد فيني و احتما
احطب لبالي من الذكرى عمر ..
احطب لبالي من الذكرى عمر ..
اتذكّر وش خذا القلب .. و رما؟
و الوجيه اللي على عمري تمر ..
و الوجيه اللي على عمري تمر ..
وْ لا ذكرت اللي على حبّي نما
قلت : يا خالد ترا هان الأمر ..
قلت : يا خالد ترا هان الأمر ..
العمر يفداك يا عذب اللمى
يا عذاب البيض .. يا سيد السمر
يا عذاب البيض .. يا سيد السمر
من عرفتك و السما ما هي سما
النجوم تطيح .. و يغيب القمر ..
النجوم تطيح .. و يغيب القمر ..
تجري بجسمي مع مجرى الدما
و الحنايا لك مساحات .. و ممر
و الحنايا لك مساحات .. و ممر
شف خفوقي عن هوى غيرك عما!
و شف غراسه كيف ! .. يا كلّ الثمر ..
و شف غراسه كيف ! .. يا كلّ الثمر ..
الحلا فيك لثلاث اشيا انتما
للشهد .. و الطهْر .. و الورد الحمر
للشهد .. و الطهْر .. و الورد الحمر
لا تضيق ان شفت عينيّ ابكما
ضحكتك سحْر .. و سواليفك خمر
ضحكتك سحْر .. و سواليفك خمر
ما يبلّل خافقي قطرات ما
لا غدى صدري من الوحشة جمر ..
لا غدى صدري من الوحشة جمر ..
صبّ لي وصلك .. أنا ميّت ظما
برتويه .. وْ لا على قلبك أمر
برتويه .. وْ لا على قلبك أمر
العمر واحد .. نقص و لاّ نما
و انت حبّك شي واحد ف / العمر ..!
و انت حبّك شي واحد ف / العمر ..!
اللـي ينافسني و أنا حي / بـ الروح
ما هو مَلَك .. لكن عن العـالم / يـزود ..
غيـره سحابة صيف .. يومين و تروح
وحبـه مثل وحمـة على جلد مـولود .. !
وحبـه مثل وحمـة على جلد مـولود .. !
"
القصآيد لـ خآلد سعد الدوسري
المدخل والمخرج لـ خآلد المطيري 