التصنيف: مطبخ حواء

صباح / مساء
الخــيــر للجميع

اللي ماتعرف اللغمن هي اكلة مشهوره بالحجاز

مقادير اللغمن :

لحم مقطع قطع صغيره جدا
فاصوليا مقطعة طويله
بطاطس مقطعة طويله ونحيفه
جزر مقطع طويل ونحيف
كرنب شرائح خفيفه
بصل مقطع قطع صغيره جدا
4 فصوص توم مطحونه
بهارات (بهار مشكل + ملح + فلفل اسود + ماجي )
طماطم معصوره
ملعقة صلصه

طبعا عجينة اللغمن هادي تلاقيها في السوبر ماركت موجوده على العموم هيا تشبه الإسبكتي بس أعرض شويه تنفع مكرونة الباستا الطويله أو المكرونه الصينيه

* * * * * * * *
الطريقه :

ح تحطي الزيت ولا السمن في القدر وتكشني البصل والتوم وبعدين تحطي اللحم وتقلبي بإستمراروتحطي البهارات كلها والماجي والفلفل الأسود والملح وتقلبي لمدة دقيقتين
بعد كده تحطي الطماطم المعصوره والصلصه وبعدين تحطي مويه وتقلبيه وتخليه على النار لمدة نصف ساعه
بعد نصف ساعة يكون اللحم استوى نصف استوى تقومي تحطي الخضاروتقلبيه وتحطيلووو شويه مويه وتخليه على نار متوسطه الين ما يستوي اللحم والخضار وتبقي مرقه شويه كأنو إيدام يصير

* * * * *

تسلقي المكرووونه حقت اللغمن
تغرفيها في صحن التقديم وتحطي إيدام اللغمن عليها وقدميها مع الشطه البخاريه والخل الأسود
طريقة الشطه البخاريه ::تقشري 3 روس توم وتطحنيهم
تحطي في قدر صغير نصف كاسه زيت وتحطي التوم وتخله على النار الين ما يصفر تحطي عليه غطايتين خل اسود وتحطي 4 ملاعق شطه حمرة شطه تكرونيه يعني وتحطي مويه كاسه كبيرة وتخليها على النار الين ماتشوفيها خلاص سارت بتطبخ شويه تطفي عليها

وصحتين وعافيه على قلبكم
ودي..

منقوووووول

حلى السويتز بالقرفة
******************

المقاديـــر

1- عجينة سمبوسة سويتز.

2-قرفه مطحونة +ملعقة كبيره كاكاو+ ملعقتين كبيره سكر ناعم وليس مطحون

3- حليب مركز كبير +6حبات جبن كيري

الطريقه

1-في البدايه ناخذين عجينة السمبوسةتقسمينها لقسمين ..
وتدهنين طرفها بقليل من خليط ( طحين + ماء ) لتلتصق الأطراف
ممكن تستخدمي جبنه سايله بدل الطحين والماء

ونبدأ بطيها كما في الصورة ..

طبعاً معروف عن رقائق سويتز عند إستخدامه لابد من تغطيته بفوطة مبللة علشان ما تيبس و تتكسر ..

– تبدين تقلين الرقائق اللي عندك الين يصير لونها اشقر

تجيبين صحن او زبديه وتحطين فيه( قرفه مطحونة +ملعقة كبيره كاكاو+سكر ناعم ) وتخلطينهم مع بعض

– تاخذين الرقائق وتغطينها من الجهتين بالقرفه بتقولين شلون تثبت
اقولك لان باقي فيها زيت من القلي فراح تثبت القرفه على طول وتحطينهم في صحن ثاني..

الين تغطين جميع الرقائق

-تحطين في الخلاط(حليب مركز كبير +6حبات جبن كيري..)

-تجهزين صينيه وسط اللي تنفك مع الجنب وتصبين فيها اللي في الخلاط..

– بعد كذا تبدين ترصين الرقائق في الصينيه على شكل دائره…

ثم ترصين دائره ثانيه الين تعبين الصينيه
وتصير مرصوصه ومافيه فراغات بينهم..

-وتولعين الفرن من تحت وتدخلين الصينيه لمدة خمس دقايق بس..

-بعد ماتطلعينها من الفرن تدخلينها الثلاجه عشان تتماسك الى قبل التقديم..

– تقلبين الصينيه في صحن تقديم وتزينينها بشوكلاتة هيرشي السائله..

وصحتين على قلبكم