~ مساء الورد والمسك والكادي ~
هذا واحد اسمه خالد
كان يحب وحده ويموت فيها وهي تبادله نفس الشعور
عاشوا هالحب سنين وفجأة وبدون مقدمات مرض خالد المرض الخبيث
الله يكفينا وياكم شره
وقالوا له الاطباء ماتبقى على حياتك الا ايام قليله والاعمار بيد الله
وطبعا من حبه لحبيبته ماقدر يقول لها علشان ماتموت من فراقه
وصى صديقه هالوصيه بقصيده ومن القصيده تعرفون وش طلب خالد من صديقه ..
وصاتي لك من بعدي تموت فيها علشاني
ابيها تعيش وتحيابك واظل بالذاكرة مفقود
وصاتي لك تنسيها ملامح وجهي وتنساني
وتعزفها قصيدة حب على عكس اللي عزفته بعود
وصاتي لك تبعدها عن اشعاري وقيفاني
تراها مغرمة بالحيل ويشهد لي عدد الردود
وصاتي لك تسايرها ترى فيها من احزاني
طلبتك لايضيق بالك طلبتك والطلب مردود
وصاتي لك تناديها حياتي..عمري..ازماني
انا عودتها دايم ادلعها وانا موجود
وصاتي لك تعاملها بطيبة قلب واحساني
تراها تذرف الدمعة ودمعتها بليا حدود
وصاتي لك تحفظها سور وايات وقراني
وتخبرها عن الميت رحل لايمكنه بيعود
وصاتي لك ترسمها على قبري واكفاني
ابيها لوحة تبقى على طول الزمن محدود
وصاتي لك تمازحها وتشوف الضحكه بأسناني
سعيتك ياضحك هالكون طلبتك لاتصير جحود
وصاتي لك تقهويها من دلالي وفنجالي
تراها تعشق السمراء ويكفيها دخون العود
وصاتي لك تركبها على خيلي وعلى حصاني
وربي فارسة من قلب شهادة ماهي لشهود
وصاتي لك تسفرها بلاد الشام ولبناني
ترى يحلالها تقطف وردة من بين الورود
وصاتي لك تراقصها على الحان رحباني
ترى فيها عرق خالة وفيها من جنون السود
وصاتي لك تحببها فأبو نورة بعد هاني
وتنسيها ندم غلطة انا فيها ترى المقصود
وصاتي لك تكرهها في تاريخي وعنواني
ابيها تلعن اللحظه وتلعن كل فرح موعود
وصاتي لك تكلمها عن المجني وعن الجاني
وتخليني انا الظالم وانا من حرق الخدود
وصاتي لك تشبهني بدم احمر قاني
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود
وصاتي لك تنسيها وصية قالها لساني
انا اخبرك رجل موقف وانت قدها وقدود
صديقي مالقيت غيرك يعرف وشلون تنساني
امانة ضمها بقلبك ترى خالد رحل مايعود
~ اثرت فيني حيل اتمنى تعجبكم ~