أحباب ………………………..قصيـــــــــــدة الإسبـــــــــــــوع

البارحة مرّوا علـى جفنـي أحبـاب
………………………. ذرّوا السهد في حاجره واسهَرونـي
وقفت أوايق كـل مـا أز أز البـاب
…………………………… اقـول يمكنهـم تداعـوا ؛ وجونـي
لين الفجر غسّـل مزاليـج لابـواب
…………………………. غسّل نياهم من عيونـي / عيونـي
اقهوي ظنوني علـى حلـم مرتـاب
…………………………… لين استرابت مـن دلالـي ظنونـي
بعادهـم فـاسٍ علـى زنّـد حطـاب
………………………….. ومنين ما مـرّوا علـيّ ؛ احطبونـي
أساوم طعوني علـى حكـم لاسبـاب
………………………………. فيـلا تهـدّت جـددوا واطعنـونـي
تسوّروا جفني مع اهدابي . اهـداب
……………………………. لا جيت بانسـى ظلمهـم ارّمشونـي
غِيّاب ف/لواقع على جرحي اقـراب
………………………………… تعبـت اقربهـم وهــم يبعـدونـي
عرّيت جرحي ستر واحزانـي ثيـاب
…………………………….. ومنين مازحـت الثيـاب استرونـي
ليت الوفا في الحزن ينزاح لـ اصحاب
……………………………. من شان لا نمت العتيـم إسهرونـي

محمد