لم تشملني حركة النقل فكتبت هذه الأبــيـات ,,,,, (صفحة حزن)

ياكيف انا برتاح والهم مني

كتمت همي لكن الدمع فضّاح

من وين مامشي (كني الهم كنّي)

للهم في قلبي ميادين وابراح

وفي وسط جوفي شوكة ٍ ٍ ..تمتحنّي

(والحزن نفسه لاتغير ولاراح )

هو حبني غصب ٍ ..وغصب ٍ حظنّي

كل ٍ يهني صاحبه ضحك و افراح

وانا دموعي للأسف غرقنّي

منهو مثيلي .. حظه اغبر وصيّاح

انا اشهد انه لو قرالي فهمني

ومنهو سعيد ٍ ماتعرقل ولا طاح

يمكن يمر ..وأشكره لو عذرني

صفحة حزن لو تنقلب ؟؟يمكن ارتاح

يمكن ويمكن ..يذلف الهم عني