قالت ارحمني يا ظالــم و رد لي نبض الحيـــــــاهْ
صرت فكري و كل همي و اسأل الله اللي يجيرْ
تكتشف إحساس قلبن صرت نبضن في رجـــــــاهْ
كم بكيت و انته تكلم مريم و بسمــه و عبيــــــرْ
كـــم سهرت بـحزان قلـبــي كــم صرخت آهٍ و آهْ
قالوا حولك معجباتٍ و انتا معجب في كـثـــــــيرْ
قالوا قلبك قد تسلّى في الذي يلعب معـــــاهْ
كنت أحسبك لي حبيبٍ ابهوى قلبي جـــــديرْ
يـــا حسافـــه مات حبي و انتهى في مبـتـــــداهْ
كنت أسمع و اتحسّر ..وقلت أنا صافي الضمــــيرْ
و الله إني صدق أحبك و انتي في قلبي هـــــواهْ
كيف صدّقتي العواذل لي حكوا حكيٍ خطيرْ
و لْعبــــوا لعبـــة خبيثة .. شوّهــوا قلبي و صفــــاهْ
قالــــوا زيــرٍ قالـــوا أكــــثر … و انا مسكينٍ فقـــــيرْ
ما عرف غير الفضيله .. ولو خطـا يبكي خطـــــاهْ
صدقيـني يا قليـبي صـــــرت في حـبــك أســــــيرْ
و انتي دربٍ قد مشيته ولا عِشق قلبي سواهْ
انتي في قلبي الأميره و انتي لي طــيرٍ يطــــــيرْ
طار و حلّق في سمايه و صرت أسكن في ســـماهْ
أدري حولي معجبـــــاتٍ وين مــا أمشي و اســـــيرْ
بس و الله صدقيني عشقـــهم ما عـــدت أبـــــــاهْ
عزّتي ترفـــض دربهم و لــــو تجي بنت الوزيـــــــرْ
و الله إنـــي ما أبيـــها و قلبي مــــا غيرك عــــــزاهْ
يا بعـــد عمـري يا كلـي ارحمـي قلبٍ سهــــــيرْ
ابسبب قـول العــواذل ضــاع صومه و الصـــــلاهْ
إنتي بس إنتي الحبيبه لك طعـم و احســـاس غــــــيرْ
لي عطش قلبي لقيتك بيــــر أشرب عذب مــــاهْ
لشاعر فلاح عشوي العنزي