هذا مكانه يا بحـر واعرفـه زيـن؟
رغم البطا كنه هنـا مـن ثوانـي!!
كنا هنـا قبـل نتفـارق بعاميـن..
قبل المطر يجتاح وجـه المبانـي..
وينه غلاتي,,يابحر وينه الحيـن ؟!
مرك,,لمحته,,مانشد عـن حنانـي؟!
بالله قول انه هنـا قبـل يوميـن,,
ودي احـس انـه هنـا مانسانـي..
حتى الكراسي تسألك يابحر ويـن!!
من غيبته حتى الكراسـي تعانـي..
كنا هنـا قـدام وجهـك محييـن..
نرسم على سطحك كثيـر الامانـي..
شف يابحر علـى جالـك اثنيـن..
واليوم ماغيـر الدمـع والموانـي..
دونه اشوف الزين بناظري شيـن..
"وبأسمه انادي واحد مـن اخوانـي"
وين السعاده ناسيتني من سنيـن؟؟
مدري بعد هو مثل السعاده نساني؟!
آآآه يابحر الدمع في محجر العيـن,,
ماقدر على ذكـراه هـزت كيانـي..
ماقول يسوى في عيوني ملاييـن..
يسوى عيوني وما غلا في زماني..
هو القمر في الارض يمشي برجلين..
مافيه مثله يابحر شخـص ثانـي..
شف يابحر ماهزني غيـر ثنتيـن..
فرقاه.. وميسم هالزمـن لاكوانـي..
لكن امانه يابحـر احفـظ الديـن..
لاجاك ثير الموج لهفـه عشانـي,,
قله غيابك عن حبيبـك سكاكيـن..
ماهو حرام الذبح بإنسـان فانـي!!
دايم يحن لموعـدك يعرفـه زيـن..
ودي بشوفه يابحر لو ثوانـي….!!
×.. ممآإ رآإق لي ..×