يالله يابنات بعد التثبيت مايمديك تغسلين الصحون تجربتي مع غسالة الصحوون

طبعا أول شي أقولكم عن طبعي أنا بين فتره وفتره تجي في بالي شغله وتحتل جزء كبير من تفكيري وطوول الوقت أفكر فيها وأبحث عنها في النت وتمخمخ في راسي بعدين أفاجأزوجي بها
طبعا مسكين بينهبل من أفكاري اللي كل شهرين طالعه له بفكره
لا تفكرون إني من النوع المتسلط لاوالله بس أجيه بأسلوب وإذا رفض أفكاري على طوول أسوي لها ديليت واللي أشوفه شوي راضي وشوي مو راضي عاد أبدأ أزن أزن

الموهم مالكم بالطويله قبل أربع أشهر تقريبا ويجي في راسي فكرة غسالة الأطباق الأوتماتيكيه
وأسوي بحث في النت أفضل الأنواع ومميزاتها وعيوبها وأفضل المحلات اللي تبيعها وبعد عملية بحث إستقريت على ماركة LG وفاتحت زوووجي بالموضوع طبعا قال وين نحطها وكيف نسلك لها وكيف وصعبه بدأ يصعب الموضوع لكن ولله الحمد كنت دارسه الوضع تمام وكلعقده يطلعها لي يلقى لها حل عندي طبعا وش يسوي وافق ههههههه"أمره لله "

وشريتها أخيرا يعني ماطولت فترة الإقناع يمكن إسبوعين وهذي صورتها

شريت صابون المكعبات وصابون حبيبات والزيت الخاص بها وهنا المشكله ماأدري الزيت هو نفسه الملمع ولا لا لأني حطيتهه في مكان الملمع وللأسف الملح الخاص فيها ماخليت ولا سوبر ماركت في الرياض مالفيت فيها ولا لقيت "هايبر بنده بجميع فروعه _ العثيم بجميع فروعه ـ اليورمارشيه _"
ماخليت تقريبا ولا مكان ومالقيته

وألحين أقولكم تجربتي معها أول أسبوع ماشاء الله تبارك الله تجنن كل شي يلمع الكاسات الملاعق الصحون بس القدور ما أحطها فيها لأن قريت إنها تخربها