والحكي لو نزَّه الدنس ما دنس نزيه … فلاح القرقاح

ولا تجي غايتك مثل السبيل لمن بغاه
اتحذف ثوبك على النار وتقول احتميه

ولا تخاوي من تغلبه على العرف العياه
فان الأحمق ما يدلك على الشور الوجيه

ولا تجالس من يذم المقفي في قفاه
حتى لو ان كل عذروب قاله فيه، فيه

و(دلو ) خلان الرخا لا تجود في رشاه
من كلته النار منهم توقى والديه

ولا يذلل ضيف مجلسك لو يرفع عصاه
ولا تردى في نسيبك ولا ترخص ذويه

و سابع الجار لو جار لا تسهج حماه
عقب اللي ما ينومس قصيره ويحتميه

واحتمل زلة رفيقك ولا تقصى خفاه
سية تدفع بحسنه وذخر تقتنيه

و زبدة الموضوع مبتداه و منتهاه
من قصيد الطالعة وحتى ما يليه

الكفو عثرة لسانه تقلل من غلاه
والردي يخطي ويبطي لا منه ولا عليه

والثقه كنز ركونه تنومس من بناه
والحكي لو نزَّه الدنس ما دنس نزيه