كلمت الشاعر زبن الطارفة
وطلبت انزال القصيده
وقال ياخال ما خبرت المدرس يستاذن الطالب ههههه
المهم هذي قصيدة الرجال:
زبن الطارفه .حسين آل الحارث.
…………………….
نجر القهر
على ذكرى المساري والعيون إلي على المقفين
تخايل ركبهم ودموعها تسبق عبايرها
بديت أصدر أركاب المواجع وأنعت الناسين
على عد الفراق إلي يصدرنا مصادرها
وعلى نجر القهر دقيت همن يطرب الخاوين
وزليته على دله حزن خلي يبهرها
ليا صار الوفى كذبه تسولفها على الغاليين
علامك تذبح العشره ولا تحفر مقابرها
تعريها على كف الثرى ينهش بها العاثين
وأنا إلي من ثياب الصدق كاسيها وساترها
أنا والله أنا مدري على عهد الوفا تقوين
أنا والله أنا مااداري جروحي من يباشرها
سريتك ليل وذياب الغدر في جرتي سارين
غبشتك صبح وطيور الوله طارت طوايرها
تباشير الفرح روحي تدورها ورى الساليين
تقول أنها تدور فرحتن منها تبشرها
عساها تلتفت لأطلال قلبن باقي التلوين
وزهره شوق بطرافه وغيمه حب تمطرها
وخابر قلبي إلي من عناها ماأرتوى للحين
يبي يشرب من أعدود العنى ظامي وخابرها
………………….
