صباح الخير للجميع .
للجميع ياليت تشاركوني ارائكم وخبراتكم وخاصه للخبراء بأنظمه الوزارة ولوائحها .
حبيت اكتب لكم تجربتي كامله وياليت تفيدوني .
اولا انا موظف تم توظيفي ولله الحمد معلم بعد عطاله تجاوزت سنتين 🙁
المهم . مازال حلم الدراسه والحصول ع درجات متقدمه من العلم يلاحقني من زمان .
كنت مفكر اكمل اول ما اخلص من الجامعه على طول بس كنت متأمل انهم يوضفوني على طول
وبعدها اضمن مكان بالوظيفه وبعدها اكمل دراسه مثل اغلب الناس . المهم طولت العطاله
ولله الحمد تم التوظيف وخلا ل اول شهر سألت واستقصيت عن مواضيع لااجازة والدراسه …الخ
المهم عرفت ان اول سنه صعب تكمل دراسه ( اقصد ابتعاث طبعا ) وكنت بمدينه بعيده عن منزلي
المهم ولله الحمد بعد اول سنه تم نقلي قريبا من اهلي . المهم بالعطله راسلت الجامعات واتيت
بقبول معهد وجامعه الى اخرة . وقدمت برمضان الماضي الى ادراتي الجديدة ع اجازة دراسيه
وتم الرفض السريع جدا بحجه اني لم تنطبق علي جميع الشروط . المهم اخبرني الموظف ان
من حقي التمتع باجازة الستثنائيه لمده سنه وبإمكاني تجزئتها بحسب رغبتي .
المهم اتكلت على الله . واخبرتهم باني اريدها ست اشهر فقط . بالبدايه تم الرفض
بحجه ان لم يكن بالمدرسه بديل ..الخ
المهم وشلت فكرة لااجازة . المهم ببدايه السنه الدراسيه تفاجأت بالمدرسه اللي وجهت اليها
يوجد بها مدرس اخر نفس التخصص . وبعد بدايه الدراسه تم الاتصال بي من قبل الادارة
واخباري انه يمكنني الان اكمال اجراءات الاجازة الاستثنائيه بحجه ان هناك بديل بنفس المدرسه .
بعد الاستئذان من المدرس وموافقته بان يتم تغطيه مكاني. اتكلت ع الله وتم اصدار الاجازة
الاستثنائيه لمده ست اشهر . وتم السفر الى الخارج للدرسه .
انا كنت مخطط كالتالي . ..
ان اخذ اجازة استثنائيه ست اشهر >>> اخذ فيها لغه .. وخلال هالفترة اوصي الوالد واخوي
يراجعون الوزارة ويحاولون بالاجازة الدراسيه .
تعرفون ان الشرط اللي كان يعوق لي هي اكمال سنتين بالخدمه .
المهم بعد المحاولات الكثيرة والمكثفة بالوزارة قررت الوزارة بما هو اتي انني استاهل الاجازة
الدراسيه وان الوزارة تكون عونا لمن يريد اكمال دراسته والوقوف معه والثناء على اكمال دراسته
وتسهيل كل عقبه تقف امامه 
المهم قالوا ماراح نوقف بوجهه بما انه قرر يكمل والحين ماباقي له الا اقل من كم شهر ويكمل
سنتين .
ولكن هناك شرط واحد . وهو ان اوراقه وصلت كامله ولكن ينقصها ورقه واحد لم ترفق من قبل
ادارته ( مرجعي طبعا ) وهي ورقه الاستغناء ببديل .
المهم رجعت الاوراق لمرجعي وتعرفون هناك صادر ووارد الخ . المهم وصلت
ومرجعي رفض انه ببديل وارفق الاوراق من جديد مع الورقه الناقصه ولكن الادارة رفضت
واصرت على ان الوزارة لابد ان توفر بديل .
راحت الايام . وتم الرجوع الى مرجعي والاستفسار من جديد عن وضعي واوراقي .
المهم كان ردهم هالمره حلو شوي قالوا اصبر الى ان يأتي المعلمون المنقولون خارجيا
الى ادارتنا . وراح نشوف ونعمل الاحصائيه .. ونشوف هل بالامكان تغطيه مكانك ..
واذا تم تقسيمهم على المدارس .. الخ واذا رأينا انه تم تغطيه المدارس ومافيه نقص
راح نوقع اوراقك ونوافق مانبي بديل . اما اذا العكس فنأسف مره ثانيه .
والى الان ما ادري بالظبط متا راح يتم اعطاء المدرسين المنقولين خارجيا اخلاء طرف ..؟
احتمال يكون اخر ايام الدراسه . او يكون مع بدايه العام الدراسي الجديد ؟؟؟
انا الان متغرب ولا اعرف ما انا عليه .
فحبيت اسأل اهل العلم واللي لهم خبره بامور الاجازة الدراسيه وبهاذيلها ..
فتعرفون ان هناك ثغرات او مداخل لبعض الشروط ولكن نجهلها ولو استغليناها لكانت من صالحنا
ياليت اللي عنده خبره يفتيني او يدلني ع الدرب الصحيح .
مع العلم ان مدريري كان موافق والوزارة بكبرها موافقه والقهر الادارة هي اللي واقفه بدربي 🙁
هل هناك طرق احصل بها الاجازة من الوزارة دون المرور بالمرجع .؟
من له الاحقيه باستثنائي من هذا الشروط والمعمعه .؟
اسف على اسئلتي الطويله ولكن انا بحيرة من امري . افتوني .
الله يحرم وجيهكم ومن تحبون عن النار .