اخترت لكم من ذاائقتي
0
0
0
0
0
أعالج لوعة المغرم وتكبر لهفة المشتاق
بحسن رضاي أسوق خطاي أقدم رجل وأفهقها
وأهوجس من طلوع الشمس الى غيبة الاشفاق
ورجلي في ظلام الليل مدري وش يوافقها
أبصبر وأتصبر مير اظن الصبر ما ينطاق
لقيت الصبر مر ولو ينوش الكبد يحرقها
الا يا كاملين المعرفة سلك الغرام دقاق
إلى صاب القلوب الله يعافينا يخرقها
أنا لي صاحبٍ خده ورا الشيله كما البراق
بعرض المزنه اللي مثل شمس الظهر بارقها
خلقه الله وزين خلقها وأخلاقه الخلاق
جليلٍ جنسها في جيلها سبحان خالقها
لها عينٍ ليا لدت بها تذبح بها العشاق
وبها وصفين من عين المهاه وطول عاتقها
إلى ما شفتها ضاقت بي الدنيا وصدري ضاق
وأنا لولا الهوا لي كان عيني ما تفارقها
حب مشاهد الغالي عسى ماهوب حب فراق
ولو راحت معه في مغرب الدنيا ومشرقها
إلى جا الليل ما شفته يزيد بقلبي الدقاق
معه روحي بسلك العنكبوت الله معلقها
ليا عرض علي أقف مثل وقفة كسير الساق
وساعة الوداع أسرع من الكدلك دقايقها
أنا وياه جددنا القسم والعهد والميثاق
ولكن قدرة الله سابقه محدن يسابقها
تعاطينا
العهد في واحدٍ من عاهده ما باق
مادام لنا ثقه بالنفس يلزمنا نوثقها
أحمد الناصر