لسنا فيه تقديم على وظايف ثانيه حياكم

كلنا سوينا الي علينا تجمعات وبرقيات وفاكسات وصحف وتلفزيون ومن هنا لهنا قلوبنا تعبت الوضع مو مثل اول والغلا زايد والدنيا غير
حتى والله لدرجة طلعت لي شعره بيضاء من الهم والتفكير بالوظيفة الحكومية الي تضمن مستقبلي من غدر الزمن بس حسبي الله ونعم الوكيل فيهم
المهم رحت وجيت الين قابلت وحدة من صديقاتي وأختها الله يسعدهم طلعوا الطائف عشان يونسوني شوي ويغيرون نفسيتي المهم خرجنا منتزهات وهناك نشوف الكشكات من ذرة وكرسبي وغيرة وشفنا سعودية ما شاء الله عليها فاتحه كشك هي وزوجها وتبيع طبخ بيت بصراحه الإقبال عليها مو طبيعي لدرجه ما تكمل 4 ساعات كل شي خالص رغم انها رافع السعر بس موسم على قولهم
اخت صديقتي مسوية مشروع وفاتحه مكتب تسويق بجدة ودخله ما شاء الله حلو
قالت لي ليه ما تسوين مشروع لو صغير وتبدئي فيه انتي وأخواتك بدل القعدة وانتظار جدارة
انا قلت طيب وش المشروع الي اقدر عليه
رحت جيت مني مني فكرت وفكرت بعد ودعيت ربي وشاورت اهلي وناسي وايدوني قلت طيب على كذا احتاج شريك عشان يدعمني براس المال قالوا أدرسي المشروع وان شاء الله تتيسر
بصراحه يا بنات ان شايفة ان الموضوع حلو جدي بدل ما ننتظر جدارة والمرمطة بالقرى
بس عزيمة وادرسي المشروع لمدة شهرين ويشوفي وش تحتاجين في المشروع واحسبي كم المبلغ الي تفتتحي فيه المشروع وتوكلي على ربك
والله يا حلوات انه فيه ربح مو طبيعي والي ياكد لنا كذا الأجانب شوفوا كيف وضعهم وكيف يخرجون القرش من المشاريع
خلونا نبتدأ وكل وحدة تبدا بمشروع وتدرسه
وتقلنا النتائج المشروع وتبشرنا خير مو تقلنا المشروع عشان محد يسرقه
ومتى ما جاء التعيين الله ييسرها منها عندك مشروع ومنها وظيفتك الحكومية
شوووووووو رايكم حبايبي

سنين واحنا نائمين ننتظر الإنصاف والعدل بس ما نقول غير حسبي الله ونعم الوكيل