أنا عيوني حرمت غيرك تشوف
والقلب حرم غيرك يحب ثاني
كف الدموع وابعد الشك والخوف
القلب لك يابعد عمري مواني
دخيل قلبك سو بي عاد معروف
لاتذرف دمــــوعك تبعثر كيــــــاني
اضحك أنا لضحكتك مشتاق ملهوف
يامن غرامك عن زمـــــــاني خـــــذاني
ويا من بحبه صرت مغرم ومشغوف
لله درك وين حبـــــــــك رمـــــــــاني
ماقول لك بالروف ماقول بالروف
اقـــــول زدني من الهــــوى ماكفاني
أنت الوحيد اللي على القلب مألوف
وأنت الذي اسقيه صــــافي حنـــــــاني
في وسط قلبي يالغلا ادخل وطوف
أنا بحبــــــــك ياحبيــــــــــــــبي اناني
لني عطيتك في الهوى عهد وحلوف
واعطيك قـــــلبي فوق عهدي ضماني
وياخل غيرك حــــرمت عيني تشوف
والقلب غيرك حـــــــــــرم يحب ثاني
